تعشقه الفتيات و لديه العديد من العلاقات و التى يطلع عليها اسم الصداقه و لكن وسط دفعته و الدين يعرفونه غير ذلك
و لكن هذا كله كان مختلف تماما عن شعوره بريهام حيث احس حقا بانه بحيبها
و لذلك قرر ان يعرف ما مدى علاقتها بأحمد و ما الذى حدث بينهم ليله امس
و لكل هذه الاسباب قرر سؤال احد صديقاتها محاوله منه لمعرفه ماذا حدث
و الذى ساعده فى ذلك تعدد علاقاته بالجنس الاخر
اتصل بدنيا و هى احدى صديقات ريهام المقربيين
محمد : الو ...
دنيا : ايوه ازيك يا محمد
محمد : الحمد لله ازيك انتى ؟؟
دنيا : انا الحمد لله .. فينك يا بنى مش بتسال خالص ؟؟
محمد : معلش يا دودو و الله انتى عارفه الكليه و مشاكلها
دنيا : الكليه بردوا ؟؟ و لا بنات الكليه ؟؟
محمد : اكيد انتى فاهمانى
دنيا : لو كدا يبقى بنات الكليه اخلص بقى و هات المفيد و قولى عايز ايه
محمد : اكيد عايز اطمن عليكى و اسال عليكى
دنيا : محمد انا عارفاك كويس اخلص و قولى عايز ايه مين البنت اللى مجنناك و عايزنى اتوسطلك فى الموضوع
محمد : طول عمرك فاهمانى يا دودو
دنيا : طيب يلا قول مين هى و احكيلى الموضوع كله
محمد : هى واحده انا بحبها بجد المره ديه اوووووووى ....
فقطعته دنيا قائله : ما انت كل اللى تعرفهم قولتلى انك بتحبهم اووى كل واحده تيجى تقولى عليها كدا و لو الموضوع كدا يبقى فكك منى
محمد : دنيا اسمعينى بس و استنى
دنيا : اتفضل اتكلم يا محمد بس اختصر و قولى مين هى و انا ايه علاقتى بالموضوع هى واحده انا اعرفها ؟؟
محمد : ما هو دا الموضوع اللى كنت عايز اكلمك فيه انك تعرفيها
دنيا : اعرفها ؟؟!! مين هى ؟؟!!
محمد : ريهام
دنيا : انت بتهزر اكيد
محمد : لا مش بهزر انا بكلمك بجد
دنيا : محمد فكك من ريهام و سيبها فى حالها بجد مش هسمحلك انك تقربلها احنا اصحاب و اخوات اه لكن لحد ريهام و مش هسمحلك بجد
محمد : ليه بس ؟؟ ديه حتى قمر اوى و طيبه اوى و حنينه اوى
دنيا : محمد انا قولت اللى عندى ريهام لا يعنى لا
محمد : يا بنتى افهمى بس انا هسالك عن شخص ريهام تعرفه و تقوليلى مين هو
دنيا : محمد مش هقولك على حاجة و بعدين علشان اريحك ريهام مالهاش فى موضوع الولاد دا
محمد : شكلك ماتعرفيش صاحبتك
دنيا : تقصد ايه ؟؟
محمد : اقصد انها تعرف واحد
طبعا الفضول كاد ان يقتلها فسالته : ما اسمه ؟؟
محمد : احمد تعرفيه ؟؟
دنيا : احمد مين ؟؟
محمد : مش عارف بس واضح ان فيه علاقه وثيقه اوى بنهم لدرجه انها تسيبنى علشانه
دنيا : قولى كدا بقى انك مقهور علشان سابتك علشانه و الله و لاقيت اللى بعرف يزحلقك يا محمد
محمد : مش مقهور و لا حاجة بس تقدرى تعتبريها فضول فى حب المعرفه و بعدين لا عاش و لا كان اللى يقدر يزحلق محمد و انتى عارفانى اكيييد
دنيا : عارفاك اكيد و ماكونتش اتوقع ابدا ان ريهام الانسانه البريئه الطيبه ديه تعرف تزحلق محمد بجلاله قدره
محمد : دنيا لمى نفسك شويه لانك كدا بدأتى تغلطى و كدا نهارك مش هيعدى معايا
دنيا : اسكت يا عم الكلام دا كان زمان ايام ماكنت عاملى نفسك فيها عنتر زمانو
محمد : دنيا اسكتى بقولك و بعدين اختصرى الكلام و قوليلى مين هو
دنيا : و الله انا مش عارفه انت بتتكلم عن مين اساسا
محمد : دنيا ماتستعبطيش عليا
دنيا : محمد معلش لازم اقفل معاك دلوقتى لانى عندى مذاكره كتير و لازم اخلصها
محمد : يعنى بتهربى منى و مش عايزه تقوليلى ماشى يا ستى دحى دحى ... قوليلى هتذاكرى مع ريهام ؟؟
دنيا : لا هذاكر لوحدى ارتحت كدا
محمد : طيب يا دحيحه
دنيا : سلام ..
محمد : سلام ..
و انتهى الحوار بينهم على ذلك فان الحيره زادت لدى محمد
اما دنيا هى حقا كانت لا تعلم شىء و قررت ان تتصل بريهام لكى تفهم منها الموضوع من اوله
دنيا : ريري حبيبى ازيك
ريهام : الحمد لله ازيك انتى يا ديدي
دنيا : الحمد لله اخبار المذاكره معاكى ايه ؟؟؟
ريهام : الحمد لله شغال
دنيا : ريري كنت عايزه اسالك عن حاجة
ريهام : اؤمرينى يا قمرى انا تحت امرك
دنيا : انت تعرف واحد اسمه احمد
ريهام : احمد ؟؟ احمد مين ؟؟ ما انتى عارفه انى ماليش فى المواضيع ديه خالص
دنيا : عارفه بس عارفه كمان ان فيه واحد بيحبك اوووى
عندما سمعت ريهام هذه الكلمه سعدت جدااا حيث بدات تربط الاحداث بعضها و بعض
من ا ن فيه حد بيحبها و سؤالها عن احمد
و لكن قررت ان تخفى كل ذلك و تستعبط حتى النهايه
ريهام : حد بيحبنى ؟؟ مين الحد دا ؟؟
دنيا : محمد - حماده -مودى
ريهام : دىدى يعنى انت بتكلمينى علشان الموضوع دا و بعدين انتى عرفتى منين و ماتقوليليش انك رجعتى تكلميه تانى
دنيا : ريهام الك اتعصبتى كدا ليه ؟؟ و بعدين انا مش بتكلم معاه و انتى عارفه كدا بس هو اللى كلمنى
و كلمنى عنك يا قمر
ريهام : عنى انا ؟؟ ليه ؟؟ و قالك ايه ؟؟
دنيا : قالى انه بيحبك يا قمر
ريهام : و ايه المطلوب منى يعنى ؟؟ و بعدين هو قالك علشان تقوليلى يعنى و لا ايه ؟؟
دنيا : لا يا ستى هو قالى علشان عايز يعرف مين احمد دا اللى انتى تعرفيه
ريهام : بصى يا دنيا انتى صاحبتى و حبيبتى و احمد ديه حاجة تخصنى لوحدى اكيد و اكيد مش هقولك رغم احترامى و تقديرى ليه على اللى عمله معايا من حركه جنتله
خلتنى احترمه و اقدره برغم ان نيته كانت وحشه فيها بس انا همشيها انها رجوله منه و هعديها
انما اكتر من كدا لا كدا كتيير اوى
دنيا : بت يا ريهام انا مش فاهمه حاجة حركه جدعنه ايه ؟؟ فهمينى شكل الموضوع كبير
ريهام : عارفاكى بتموتى فى النميمه بس مش هينفع اقولك عليه دلوقتى لان الموضوع دا طويل خلينى احكيهولك لما اشوفك
دنيا : حلو اوى جوا التشويق اللى انت هتسبينى فيه دا بس اوى
ريهام : عموما ماشى رينا يخليكى
دنيا : ريهام بقولك ماتنسيش عيد ميلادى كمان اسبوع و لازم تيجى
ريهام : حاضر يا دىدى ان شاء الله هجى
دنيا : هستناكى .... سلام
ريهام : ان شاء الله .. سلام
و بذلك انتهى الحوار بينهم و لم تفهم دنيا اى شىء اما بالنسبه لريهام جال بخاطرها اشياء كثيرا
و لمعرفه ما جال بخاطرها انتظرونى المدونه القادمه من حب تحت المطر
ملحوظه :هذه القصه من وحى الخيال و اى تشابه بالاسماء او الاشخاص لا يمت للواقع بصله
يـــاســمــيــن لـــبـــده
7/2/2012
05:23م
ليست هناك تعليقات:
إرسال تعليق