مش عارفه ابدا كلامى و اقول ايه
بس اكيد انتوا بتفهمونى و عارفين انا عايزه اقول ايه و نفسى فى ايه
انا النهارده يومى كان عادى ممكن يكون كان صعب و مجنون فى نفس الوقت
بمعنى انه كان صعب لانى مانمتش من امبارح و اكيد انتوا عارفين السبب
و كان مجنون لانى برغم تعبى اللى كان مموتنى الا انى قررت انى اخرج بدل ما انام
طبعا ديه حاجة من الحاجة المجنونه اللى عملتها
لانها تعبتنى اكتر للاسف
انتوا فاهمنى صح ؟؟
انتى عارفينى كويس اكتر من اى حد
انا مش بقولكوا انى ملاك و لا بقولكوا حاجة زى كدا
بس انا مجنونه شويه و عنديه اوووووووووووووووووووووى
و ديه المشكله انى عنيده عندى مشكله كبيره اوى
لان لو اللى قدامى اتعامل معاه غلط ساعتها العند مع الجنان ممكن يخلونى افقد السيطره على نفسى بمعنى انى ممكن اعمل اى حاجة و كل حاجة
من غير ما احس انى عملت اى حاجة
انا كتير بحبكوا اكتر من اى حد و بحب اتكلم معاكوا انتو اكتر من اى حد لسبب واحد
مش لعدم الثقه فى الناس اللى حواليا لا
مش دا السبب الوحيد
السبب اللى بجد هو انى تعبت
فى ناس فى حياتى انا مابقتش عارفه انا ايه بالنسبه ليهم
بمعنى انى بحس من كلامهم انى حاجة غاليه بالنسبه
و بصدق دا و بتعامل على الاساسه و فى لحظه بحس غير كدا
انا عارفه ان الانسان متقلب المزاج و خاصه فى المرحله ديه
عارفه دا
و ديه الحاجة اللى مسببالى حيره انا بتعامل معاهم على اساس الاستنتاج
بمعنى انى حسيت كدا
مش انهم قالوا كدا
و ديه حاجة تعبانى اوى
لان مع تقلب المزاج السريع حيرنى مابقتش عارفه انا ايه
ايه الحقيقه اللى لازم اصدقه و اتعامل معاها و ايه اللى لازم انى اتجاهله
و احاول استحملها
بصراحه حاسه انى بغرق
حاسه انى قربت من اليأس
انا مش عايزه كدا
مش عايزه اياس زى ما قولتلكوا قبل كدا
لانى عارفه نفسى و عارفه لو جالى الياس ايه اللى ممكن اكون عليه
انا مابقتش عارفه نفسى حاسه انى ملخبطه و افكارى متلخبطه
هقولكوا على موقف حصل معايا النهارده انا خرجت النهارده
برغم تعبى خرجت عارفه انكوا هتزعلوا منى لما تعرفوا كدا
بس انا ماكونتش عارفه انام لان فيه حاجة حصلت ضايقتنى بس ما علينا منها
و خلينى احكيلكوا على الحاجة اللى حصلت الاول و الى بجد ممكن تسعدكم و تبعدكوا شويه عن الغم و الحزن و الهموم اللى حطيتكوا فيها
لما خرجت روحت مكان بيتجمع فيه الشباب اللى فى سنى و اللى اكبر منى و الاصغر كمان
روحت لوحدى
كنت هموت من التعب و دماغى مصدعه
المهم طبعا شوفت كل الشله الصايعه بتاعت الدفعه
انا عارفه انكوا ممكن تضايقوا من اللفظ بس انا شايفاهم كدا و سورى لو كان اللفظ ضايقكوا
مجموعه منهم كانت اعرفهم زمان اوى من 3 سنين تقريبا
لاحظت على وجوههم الدهشه
عند روئيتهم الى
طبعا انا بالنسبه ليهم الملاك
انا انسانه وحيده فى حالى ماليش فى حاجة
غلبانه و طيبه و هبله زى ا بيقولوا
بس هما مايعرفوش انى اعرف عنكم حاجات كتيييييييييييييير
طبعا قابلت مجموعه من صاحباتى و سلمت عليهم
و قعت معاهم و انا مش حابه دا
طلبوا انى اتصور معاهم بس انا ماكونتش حابه
لانى كنت تعبانه اوى
دا غير ان دماغى صدعت اوووى
لانى تعبانه و اللى زود تعبنى الدوشه
انا بميل للهدوء شويه مش عارفه ايه علاقه الهدوء بالجنون بس معلش
استحملونى
شويه و سيبتهم و قعت لوحدى شويه علشان احاول انى اريح دماغى من الصداع اللى موتنى
الصداع زاد عليا اوى
و شويه و خدودى احمرت هى و انفى من كتر السقعه
و الصداع يعنى كان كوكتيل هايل
المهم شويه و لاقيت اللى جاى يكلمنى
و بيسالنى انتى تعبانه اقدر اساعدك بحاجة
قولتله ميرسى
قالى لا انتى شاكلك تعبانه اوى
قلتله لا انا الحمد لله
قالى انا .... (اسمه يعنى) و شوفت كتير اكتر من مره وكنت حابب اتكلم معاكى بس واضح انك مرتبطه
انا ماكونتش فاهمه حاجة و ايه الكلام دا
و بصراحه ماكونتش مركزه خالص فى كلامه لانى فعلا كنت تعبانه اووووووووى
المهم شويه و انتتهى الحوار لانى حسيت انى هيغم عليا قررت انى اروح
روحت فعلا و حاولت انام
بس للاسف ماعرفتش
و شويه و الصداع قل و تعبى كمان قل و من كتر الملل قررت انى اخرج تانى
و اروح نفس المكان و لوحدى
و لما روحت لاقيته هناك
بصراحه ماكونتش عارفاه ماعرفتوش ساعتها
يعنى ماعرفتش انه نفس الشخص اللى كان كلمنى الصبح
لانى ماكونتش مركزه بس عادى
المهم طبعا هو كان قلقان عليا و دا اللى شوفته فى عيونه
طبعا انا كنت عارفاه شوفته اكتر من مره بس عادى يعنى
المهم اكيد انتوا عارفين اللى حصل بعد كدا
دا موضوع حصل النهارده من شويه بالظبط
بصوا يا جماعه انا كتييير تعبانه و عارفه انى هتعب نفسى اكتر
علشان كدا بقولكوا انى ممكن اتاخر عليكوا فى انى اقولكوا اخبارى
و بجد اول لما احس انى بقيت كويسه انتوا اوى ناس هجى اطمنكوا عليا
بليز ادعولى
و ربنا يخليكوا ليا و مايحرمنيش منكوا ابدا
ملحوظه : ان كل ما كتبته كلام افلام و مسلسلات و كلام خيالى و لا يمد للواقع بصله فانه غير معقول بان يوجد فتاه بكل هذا
او قد يكون هناك اناس هكذا فى الواقع
و انا اخاطبهم و اكيد او احتاجوا لاى مساعده انا تحت امرهم بس اعرفهم و اكيد مش انا لوحدى فيه كتير يتمنوا انهم يساعدوا
يـــاســـمـــيـــن لـــبـــده
10/2/2012
10:29م
ليست هناك تعليقات:
إرسال تعليق