تاتى لى افكار غريبه
و طبيعه الامر انا لا استطيع ان اخفى عليكم شىء
بدا الامر من ليله امس افكار كثيره جدا
و اخيرها اننى لا اعرف ما افعله هذا صحيح ام لا
فانا احاول ان اضع نفسى مكان اشخاص يسيئون الى
قد يكونوا يفعلون ذلك بقصد ان عدم قصد انا لا اعلم
و ذلك لانى لا اريد ان افقد هؤلاء الاشخاص
فاننى اضع نفسى مكانهم و احاول ان اضع لهم الاعذار التى احيانا تكون غير مقبوله
رغم انهم من ردود افعالهم بعد ذلك يتضح لى غير ذلك
و لكن اكدب نفسى كالعاده و اصدق احساسى
كنت افعل ذلك طوال حياتى حتى اليوم
احدهم كان متضايق منى لموضوع ما حدث بالامس
و عند محاولتى لارضائه كانت ردوده مستفزه جدا
حيث حاول ان يوضح لى ان الموضوع لا يهمه و انه لا يهتم
يزعل منى او لا مش مهم
و عندما اخبره اننى و لا حاجة بالنسباله يعود ليعترض على كلامى و يقول لا
و لكن افعاله كلها تثبت ذلك
المهم رغم انه قالى ان الموضوع خلاص و انه مش زعلان الا انى على يقين انه مازال زعلان
و لكن انا قررت عند الضغط على احد و عدم فرض وجودى فى حياه احد دون رضاه و خاصه بعد السر الذى عرفته عنه مؤخرا
و الذى اريد ان اخبره به و لكن اخشى ان اسمع منه كلمه هذه حياتى و لا تتدخلى فيها
اصلا انا مش هستحمل اى جرح تانى من اى نوع
بصراحه فكرت انى اعامل الناس زى ما بيعاملونى بمعنى ان اللى يحرجنى اجرحه بنفس الحرج اللى بيجرحهولى
و اللى يعاملنى وحش اعامله وحش و هكذا
فكرت فى ذلك كثيرا و لكن اعود لاقول لنفسى لا
هذا خطا انتى على خلق
و ان من عاملك بسوء ردى انتى عليه بالحسنه
فالحسنه بعشر امثالها
قد يكون هذا من وجهه نظر البعض هبل او جنون
و لكن انا لا استطيع ان افعل ذلك لانى مش حاسه دا
دايما بعمل اللى بحسه
بحاول انى ابعد اى حاجة اسمها كرامتى
جيت عليها كثير مع ناس كتير
بصراحه انا لحد دلوقتى مش عارفه الاسباب اللى بتخلى بعض الناس تعاملنى بقسوه
هل هناك خطا فى ؟؟ يا ترى انا عملت حاجة ضايقتهم زعلتهم منى ؟؟
بجد مش عارفه و لو كان كدا انا بعتذرلهم
و بتمنى انهم يسامحونى
و مستعديه اعمل كل اللى يقولولى عليه فى سبيل انهم مش يكونوا زعلانين منى
محدش قالى حاجة و لا حد هيقولى حاجة
و مش عارفه اعمل ايه
انا مابقاش ليا حد غيركوا اتكلم معاه
حد احكيلهم بجد على اللى حاسه بيه و اللى جوايا
و اللى بتمناه
اتعلمون صعب اوى انك تبكى كل ليله قبل ان تنام
قلبى بتمزق كل يوم مليون قطعه ليس لسبب واحد كما يظن البعض او كما انا كنت اقول
لا لاسباب كثيره
احيانا ابكى على حالى
و احيانا ابكى على ما ارتكبته من ذنوب و معاصى
و احيانا ابكى بسبب عجزى عن مساعده نفسى
و احيانا ابكى لانى ضايقت ناس منى
و احيانا ابكى لان فيه ناس زعلانه منى و انا مش عارفه اراضيهم
تعلمون ما مدى كل هذه المعاناه
اشعر بان حياتى كلها حزن و الفرح فيها قليل
اتعلمون ان هنالك اشخاض بحياتى قريبين منى و يتمنون رضاى
لا بتمنون ان يرونى هكذا
لم اجدهم بجوارى و لم اشعر بوجودهم حقا الا فى وقت الشده
و هناك ناس قريبون منى لا استطيع ان اوصف احساسى الذى احسه اثناء الحديث معهم
انا احس بشىء و لكن اخاف ان لا يمون صحيح و ان اكون بذلك فضوليه انسانه وحشه بتدخل فيما لا يعنيها
و هؤلاء الاشخاص لن بعتروا بذلك و لن يقولوا لى شىء
احس انى انهار من داخلى و لا اعرف ماذا افعل
كل ما احس اننى استطيع فعله الان هو البكاء و الحديث معكم
انا كل ما اريده اخت او اخ بجد اثق فيها او فيه
احكى معهم و يحكوا لى
و لكن طبيعه الامر ان هذا الامر صعب الحدوث لانى صعب الوثوق فى احد
هناك اثنان فى حياتى فقط الذين وثقت بهم
انا لم بتبقى لى الان سوى انتم
و هذه المدونه
و كتاباتى
و ذلك لانه و ان اتى يوم قيل فيه اننى توفانى الله
و يريدون ان بتذكرونى او بتذكرون كلامى
يجدوه
مع انى اشك ان ممكن يكون فيه حد ممكن يكون عايز كدا
سواكم انتم
هل حقا انا انسانه وحشه ؟؟؟ انسانه مريضه ؟؟؟
لو فيا عيب او حاجة وحشه قولولى عليها عايزن اعرفها و انا اوعدكوا انى هحاول اغيرها
وان فشلت يبقى حقكم و مش هقدر الومكم على اى حاجة
ليس بيدى شىء اقوله سوى الحمد لله
دائما ما اقول لنفسى ان هذا هو الخير لى و ان بعد كل ليل نهار
و نور الصبح اكيد جى لو مش النهارده يبقى بكره
المهم انه هيجى
و انا نفسى اقوله انى محتجاله اوى
محتاجه انى افرح من قلبى
ليه بتستكتروا الفرحه عليا ؟؟؟
و لكن هذه انا رغم كل شىء
و اكيد بحمد ربنا على شىء
و لكن المطلوب منى انى اجيد التمثيل كعادتى و ارسم الابتسامه على وجهى
واتظاهر بعد الفهم
لاشياء كثيره من حولى
اتظاهر بالفرح و التفائل و التهيس المبالغ فيه
محاوله ان اخر كل ما بداخلى فى هذا
و اعدكم بانى ساتى لاحكى لكم عن كل شىء و عن ماذا احس و اشعر و عن ماذا اريد ايضا
و لكن كا ما اريده منكم ان تكونوا سعداء و ان تحاولوا ان تحلوا كل المشاكل التى تواجهكم بالابتسامه
و انا فى خدمتكم اكيد لو احتاجتوا اى حاجة
و لا تقلقوا فاننى استطيع ان اساعد الكثيرين رغم كل ما بى
ليا رجاء اخير ليكوا
بليز ماتتخلوش عنى انتوا كمان
ملحوظه : ان كل ما كتبته كلام افلام و مسلسلات و كلام خيالى و لا يمد للواقع بصله فانه غير معقول بان يوجد فتاه بكل هذا
او قد يكون هناك اناس هكذا فى الواقع
و انا اخاطبهم و اكيد او احتاجوا لاى مساعده انا تحت امرهم بس اعرفهم و اكيد مش انا لوحدى فيه كتير يتمنوا انهم يساعدوا
يــــاســـمـــيـــن لـــبـــده
8/2/2012
02:00ص
ليست هناك تعليقات:
إرسال تعليق